Iam falcibus lassos spectans marcentibus ignes 
Instaurare iubet tunc hymenea uenus 
Quis modus inquit erit quonam sollertia fine 
Impedient thalamos ludere gymnasia 
Diriguit comis blandisque adsueta Voluptas 
Et noster pallens contrahit ora puir 
Ipsam etiam fulcris redimicula nectere sueta
Flora decens trina anxia cum carite est 
Nec melicum recinens modulatur tibia carmen 
Nec dulcis temptat psallere melpomene 
Omnia quae tenero moris feruescere ludo 
In cumulum doctae uocis honore tacent 
Nec Suada inlecebris sponsalia pectora mulcet 
Nec stimula in censo allicit aculeo 
Quin etiam interulos gaudens dissoluere nexus 
Blandificaque libens stringere corda face 
Nictantes oculos reprimit stupefacta pauore 
Nec perferre ualet orgonos ora trucis 
Si erudita placent certe sponsalia diui 
Saltem doct ferat carmina caliope 
Nam simul oblectans uocis modolamine mentes 
Tedia dulcisonis auferet illa tonis 
Quippe scruposis fateor lassata puellis
Insuetis laedor mestificata moris 
Pronuba sic uolupe est haec seria carpere iuno 
Nec cura astriferi de simulat thalami 
Ast ego succubui lepidisque adsueta choreis 
Non ualeo tristes cernere cecropidas